ಸೌತ್ ಸೂಪರ್ಸ್ಟಾರ್ ಪೃಥ್ವಿರಾಜ್ ಸುಕುಮಾರನ್ ನಿರ್ದೇಶನದ ‘ಎಲ್2: ಎಂಪುರಾನ್’ ಚಿತ್ರದ ಮುಖ್ಯಭೂಮಿಕೆಯಲ್ಲಿ ಮಾಲಿವುಡ್ ಸ್ಟಾರ್ ಮೋಹನ್ ಲಾಲ್ ನಟಿಸಿದ್ದು, ಇಂದು ವಿಶ್ವದಾದ್ಯಂತ ಚಿತ್ರಮಂದಿರಗಳಲ್ಲಿ ಅದ್ಧೂರಿಯಾಗಿ ಬಿಡುಗಡೆಯಾಗಿದೆ. ಸೂಪರ್ ಹಿಟ್ ಲೂಸಿಫರ್ನ ಎರಡನೇ ಭಾಗವಿದು. ಮೊದಲ ಚಿತ್ರ ‘ಲೂಸಿಫರ್’ 2019ರ ಮಾರ್ಚ್ 28ರಂದು ತೆರೆಗಪ್ಪಳಿಸಿ ಯಶಸ್ವಿಯಾಗಿತ್ತು. 6 ವರ್ಷಗಳ ನಂತರ ಸ್ವೀಕ್ವೆಲ್ ಸಾಕಷ್ಟು ನಿರೀಕ್ಷೆಗಳೊಂದಿಗೆ ಥಿಯೇಟರ್ ರೀಚ್ ಆಗಿದೆ. ಚಿತ್ರದ ಅಡ್ವಾನ್ಸ್ ಟಿಕೆಟ್ ಆರಂಭವಾದ ಕ್ಷಣದಿಂದಲೇ, ಅಗಾಧ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಇಷ್ಟು ದೊಡ್ಡ ಮಟ್ಟಿನ ರೆಸ್ಪಾನ್ಸ್ ಅನ್ನು ನಿರೀಕ್ಷಿಸಿರಲಿಲ್ಲ ಎಂದು ಸ್ವತಃ ಚಿತ್ರದ ನಿರ್ದೇಶಕ ಪೃಥ್ವಿರಾಜ್ ತಿಳಿಸಿದ್ದರು. ಮಲಯಾಳಂ ಸಿನಿಮಾ ಇತಿಹಾಸದಲ್ಲೇ ಎಂಪುರಾನ್ ದಾಖಲೆಯ ಓಪನಿಂಗ್ ಪಡೆಯಲಿದೆ. ಎಲ್ಲದಕ್ಕೂ ನಾಳೆ ಬೆಳಗ್ಗೆ ಸ್ಪಷ್ಟ ಉತ್ತರ ಸಿಗಲಿದೆ.
‘ಎಂಪುರಾನ್’ ಇಂಡಿಯಾ ಬಾಕ್ಸ್ ಆಫೀಸ್ ಕಲೆಕ್ಷನ್(ಮೊದಲ ದಿನ): ಸಿನಿಮಾ ಇಂಡಸ್ಟ್ರಿ ಟ್ರ್ಯಾಕರ್ ಸ್ಯಾಕ್ನಿಲ್ಕ್ ವರದಿ ಪ್ರಕಾರ, ಚಿತ್ರದ ಮೊದಲ ದಿನದ ಬಾಕ್ಸ್ ಆಫೀಸ್ ಕಲೆಕ್ಷನ್ (Net Collection) ಭಾರತದಲ್ಲಿ ಈವರೆಗೆ 7 ಕೋಟಿ ರೂಪಾಯಿಯನ್ನು ದಾಟಿದೆ. ಈ ಅಂಕಿಅಂಶ ಕ್ಷಣಕ್ಷಣಕ್ಕೂ ಏರಲಿದ್ದು, ನಾಳೆ ಬೆಳಗ್ಗೆ ಒಟ್ಟು ಕಲೆಕ್ಷನ್ ಮಾಹಿತಿ ಸಿಗಲಿದೆ.
ಗ್ಲೋಬಲ್ ಕಲೆಕ್ಷನ್: ವಿಶ್ವಾದ್ಯಂತ ತನ್ನ ಮೊದಲ ದಿನ ಬಾಕ್ಸ್ ಆಫೀಸ್‌ನಲ್ಲಿ 50 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದ ಸಿನಿಮಾಗಳ ಲಿಸ್ಟ್ಗೆ ‘ಎಂಪುರಾನ್’ ಸೇರೋದು ಬಹುತೇಕ ಪಕ್ಕಾ ಆಗಿದೆ. ಚೆನ್ನೈ ಎಕ್ಸ್‌ಪ್ರೆಸ್ (ಹಿಂದಿ), ಬಾಹುಬಲಿ (ತೆಲುಗು), ಕಬಾಲಿ (ತಮಿಳು), ಕೆಜಿಎಫ್ 2 (ಕನ್ನಡ) ಈ ಸ್ಪೆಷಲ್ ಲಿಸ್ಟ್ನಲ್ಲಿದೆ. ಈ 4 ಸಿನಿಮಾಗಳು ತನ್ನ ಮೊದಲ ದಿನ 50 ಕೋಟಿ ರೂಪಾಯಿಗೂ ಅಧಿಕ ಕಲೆಕ್ಷನ್ ಮಾಡಿತ್ತು. ಅದಾಗ್ಯೂ, ಮಾಲಿವುಡ್ ಸಣ್ಣ ಮಾರುಕಟ್ಟೆಯಾಗಿರುವ ಹಿನ್ನೆಲೆ, ಎಂಪುರಾನ್ ಸಾಧನೆ ಮತ್ತಷ್ಟು ಪ್ರಭಾವಶಾಲಿಯಾಗಲಿದೆ.
ಪ್ರೀಸೇಲ್ಸ್ನಲ್ಲಿ ವಿಶ್ವಾದ್ಯಂತ 80 ಕೋಟಿ ರೂಪಾಯಿಯ ವ್ಯವಹಾರ: ಎಂಪುರಾನ್ ಈಗಾಗಲೇ ಎಲ್ಲಾ ದಾಖಲೆಗಳನ್ನು ಹಿಂದಿಕ್ಕಿದೆ. ಮಲಯಾಳಂ ಚಿತ್ರರಂಗದ ಇತಿಹಾಸದಲ್ಲಿ, ಮೊದಲ ದಿನ ಅತಿ ಹೆಚ್ಚು ಕಲೆಕ್ಷನ್ ಮಾಡುವ ಸಿನಿಮಾವಾಗಿ ಹೊರಹೊಮ್ಮಲಿದೆ ಎಂದು ಚಿತ್ರದ ನಿರ್ಮಾಪಕರು ಹೇಳಿಕೊಂಡಿದ್ದಾರೆ. ಸಹ-ನಿರ್ಮಾಣ ಬ್ಯಾನರ್‌ಗಳಲ್ಲಿ ಒಂದಾದ ಶ್ರೀ ಗೋಕುಲಂ ಮೂವೀಸ್, ಮುಂಗಡ ಬುಕಿಂಗ್ನಲ್ಲಿ (ಕೇವಲ ಮೊದಲ ದಿನದ ಕಲೆಕ್ಷನ್ ಅಲ್ಲ, ನಾಳಡ, ನಾಡಿದ್ದು ಎಲ್ಲವನ್ನೂ ಸೇರಿಸಿ) 80 ಕೋಟಿ ರೂಪಾಯಿಯ ಗಡಿ ದಾಟಿದೆ ಎಂದು ಸೋಷಿಯಲ್ ಮೀಡಿಯಾದಲ್ಲಿ ಮಾಹಿತಿ ಒದಗಿಸಿದೆ.
ಮಲಯಾಳಂನ ಬಿಗ್ಗೆಸ್ಟ್ ಓಪನರ್: ಪೃಥ್ವಿರಾಜ್ ಸುಕುಮಾರನ್ ನಿರ್ದೇಶನದ ಎಂಪುರಾನ್, ಭಾರತ ಮತ್ತು ವಿಶ್ವಾದ್ಯಂತ ಅಡ್ವಾನ್ಸ್ ಟಿಕೆಟ್ ಬುಕಿಂಗ್ನಲ್ಲಿ ಅಭೂತಪೂರ್ವ ಯಶಸ್ಸು ಸಾಧಿಸಿದ್ದು, ಬಾಕ್ಸ್ ಆಫೀಸ್‌ನಲ್ಲಿ ಬಿರುಗಾಳಿಯೆಬ್ಬಿಸಲು ಸಜ್ಜಾಗಿದೆ. ಮುಂಗಡ ಬುಕಿಂಗ್ ಪ್ರಾರಂಭವಾದಾಗಿನಿಂದಲೂ ಈ ಚಿತ್ರವು ಪ್ರತಿದಿನ ದಾಖಲೆಗಳನ್ನು ಪುಡಿಗಟ್ಟಿದೆ. ಮಲಯಾಳಂನ ಬಿಗ್ಗೆಸ್ಟ್ ಓಪನರ್ ಸಿನಿಮಾ ‘ಮರಕ್ಕರ್’ (20 ಕೋಟಿ ರೂಪಾಯಿ)ಗೂ ಎರಡು ಪಟ್ಟು ಹೆಚ್ಚು ಪ್ರೀ-ಸೇಲ್ಸ್ ವ್ಯವಹಾರ ನಡೆಸಿದ್ದು, ಯಾರೂ ನಿರೀಕ್ಷಿಸದ ಗಮನಾರ್ಹ ಸಾಧನೆ ಅಂತಲೇ ಹೇಳಬಹುದು.
