ಜಿಮ್​ ಎಂದರೆ ಫ್ಯಾಶನ್.. ಯಂಗ್​ಸ್ಟರ್ಸ್​ ಜಿಮ್​ಗೆ ಸೇರುವ ಮುನ್ನ ಈ ಅಂಶ ತಿಳಿದುಕೊಳ್ಳಿ…!

ಜಿಮ್​ನಲ್ಲಿ ವರ್ಕೌಟ್​ ಮಾಡುವುದು ಎಂದರೆ ಈಗಿನ ಜನರೇಷನ್​ಗೆ ಫುಲ್​ ಫ್ಯಾಶನ್. ಸಖತ್​ ಆಗಿ ಜಿಮ್​ ಮಾಡಿ ಬೈ ಚಿಪ್ಸ್​, ಚೆಸ್ಟ್​, ಶೋಲ್ಡರ್​, ತೈಸ್​ ಬಲಗೊಳಿಸಿ ನೋಡಲು ಆಕರ್ಷಣೆಯಾಗಿರಬೇಕು ಎನ್ನುವುದು ಯಂಗ್​ಸ್ಟಾರ್ಸ್​​ಗಳ ಮಹಾದಾಸೆ. ಜಿಮ್​ ಮಾಡುವುದೇನು ತಪ್ಪಿಲ್ಲ.. ಆದ್ರೆ ಕೆಲವೊಮ್ಮೆ ಇದು ಆರೋಗ್ಯದ ಮೇಲೆ ತೀವ್ರವಾಗಿ ಪರಿಣಾಮ ಬೀರಬಹುದು. ಅದು ಬೇರೆ ದೇಹ ಪ್ರಮುಖ ಅಂಗಗಳೇ ಅಪಾಯಕ್ಕೆ ಒಳಗಾಗುತ್ತಾವಂತೆ. ಈ ಬಗ್ಗೆ ಇಲ್ಲಿದೆ ಡಿಟೇಲ್ಸ್.

ಅತಿಯಾದ ವರ್ಕೌಟ್ ರೋಗನಿರೋಧಕ ಶಕ್ತಿಯನ್ನು ಬಲಹೀನಗೊಳಿಸುತ್ತೆ. ಇದರಿಂದ ದೇಹದೊಳಿಗಿನ ಮೂಳೆಗಳು ಹಾನಿಯಾಗುವ ಸಂಭವವಿರುತ್ತದೆ. ವರ್ಕೌಟ್ ಮಾಡುತ್ತ ಹೋದಂತೆ ನಮಗೆ ಹುಮ್ಮಸ್ಸು​ ಜಾಸ್ತಿಯಾಗಿ ಇನ್ನಷ್ಟು ಮಾಡಬೇಕು ಎಂಬ ಆಸೆ ಹುಟ್ಟುತ್ತದೆ. ಆಗ ನಾವು ಅದನ್ನು ಕಂಟ್ರೋಲ್​ ಮಾಡಿ, ದಿನ ಮಾಡಿದಷ್ಟೇ ಅಥವಾ ಅದಕ್ಕಿಂತ ಕಡಿಮೆಯೇ ಮಾಡಬೇಕು. ನಿರಂತರ ವರ್ಕೌಟ್​ನಿಂದ ಕೀಲುಗಳಲ್ಲಿ ನೋವು ಕಾಣಿಸಿಕೊಳ್ಳುತ್ತಾವೆ.

ವರ್ಕೌಟ್​ ಮಾಡುವಾಗ ನಮ್ಮ ದೇಹದಲ್ಲಿ ಅಡ್ರಿನಾಲಿನ್ ಹಾರ್ಮೋನ್ ಬಿಡುಗಡೆ ಆಗುತ್ತದೆ. ಇದರಿಂದ ನಮಗೆ ನಿದ್ದೆ ಸಮಸ್ಯೆ ತಲೆದೋರುತ್ತದೆ.
ಜಿಮ್​ನಲ್ಲಿ ವ್ಯಾಯಾಮ ಮಾಡುವುದರಿಂದ ದೇಹಕ್ಕೆ ಪ್ರತಿ ನಿತ್ಯ ಉತ್ತಮ ಪೌಷ್ಠಿಕಾಂಶದ ಆಹಾರವನ್ನು ಒದಗಿಸಬೇಕು. ಕೇವಲ ಜಿಮ್​ ಮಾಡಿ ಅನ್ನ, ಸಾಂಬಾರ್ ಸೇವಿಸಿದರೆ ಅದು ದೇಹದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ. ಜಿಮ್​ ಮಾಡಿದ್ರೂ ಸೋರಗುತ್ತಿದ್ದೇನಲ್ಲ ಎಂಬ ಖಿನ್ನತೆಗೆ ಒಳಗಾಗಬಹುದು.
ದಿನಲೂ ಹೆಚ್ಚಿಗೆ ನಿದ್ದೆ ಮಾಡಿದ್ರು ಹೆಚ್ಚಿನ ವರ್ಕೌಟ್​ ಶರೀರದಲ್ಲಿ ಆಯಾಸ ಉಂಟುಮಾಡಿ ತಲೆನೋವು, ತಲೆಸುತ್ತು, ಹಸಿವಿನ ತೊಂದರೆ ಬರುತ್ತಾವೆ. ನಾವು ತಿನ್ನುವ ಆಹಾರಕ್ಕೆ ಅನುಗುಣವಾಗಿ ನಮ್ಮ ದೇಹಕ್ಕೆ ಬೇಕಾದ ವ್ಯಾಯಾಮ ಮಾಡಿ ಉತ್ತಮ ಆರೋಗ್ಯವಂತರಾಗಬೇಕು.

ಅತಿಯಾದ ಜಿಮ್​ನಿಂದಾಗಿ ಹಾರ್ಮೋನ್​ಗಳಲ್ಲಿ ಅಸಮತೋಲವಾಗಿ ದಣಿವು ಹೆಚ್ಚಾಗುತ್ತದೆ. ಇದರಿಂದ ನಿಶಕ್ತಿಗೆ ಬಿದ್ದಂತೆ ಆಗುತ್ತದೆ. ಅಂದರೆ ಯಾವುದೇ ಕೆಲಸದಲ್ಲಿ ಉತ್ಸಹ ಇರುವುದಿಲ್ಲ.
ಯಾರೇ ಆಗಲಿ ಜಿಮ್​ಗೆ ಜಾಯಿನ್ ಆಗುವ ಮುನ್ನ ವೈದ್ಯರಿಂದ ನಿಮ್ಮ ಆರೋಗ್ಯವನ್ನು ತಪಾಸಣೆ ಮಾಡಿಸಿಕೊಂಡು ನಂತರ ಜಿಮ್ ಮಾಡುವುದು ಒಳ್ಳೆಯದು.
ನಿಮಗೆ ಮೊದಲೇ ಯಾವುದಾದರೂ ಕಾಯಿಲೆಯಿಂದ ಬಳಲುತ್ತಿದ್ದರೇ ಜಿಮ್​ ಮಾಡಬಹುದೇ ಬೇಡವೇ ಎಂದು ಒಮ್ಮೆ ಡಾಕ್ಟರ್​ ಹಾಗೂ ಜಿಮ್​ ತರಬೇತುದಾರಿಂದ ಸಲಹೆ ಪಡೆಯಬೇಕು.
ಹೆಚ್ಚು, ಹೆಚ್ಚಾಗಿ ವರ್ಕೌಟ್​ ಮಾಡುವುದರಿಂದ ರಕ್ತದೊತ್ತಡವನ್ನು ಹೆಚ್ಚುತ್ತದೆ. ರಕ್ತದೊತ್ತಡವು ಹೃದಯದ ಮೇಲೆ ಪರಿಣಾಮ ಬೀರಿ ಹೃದಯ ಸಂಬಂಧಿ ಕಾಯಿಲೆ ಜೊತೆ ಜೀವಕ್ಕೆ ಅಪಾಯವು ಆಗಬಹುದು.
ನಗರದಂತಹ ಪ್ರದೇಶಗಳಲ್ಲಿ ಒಂದು ಸ್ಥಳದಿಂದ ಇನ್ನೊಂದು ಸ್ಥಳಕ್ಕೆ ಹೋಗಿ ಉದ್ಯಾನ ಹಾಗೂ ಜಿಮ್​ಗಳಲ್ಲಿ ವರ್ಕೌಟ್​ ಮಾಡುವುದು ಮನಸಿಗೆ ಕಿರಿ ಕಿರಿ ಎನಿಸಬಹುದು.